Амал мерекесі Ақтаудан басталып, Адай атаға маңдай тіреді!

Жалпы Амал тойы жылдан жылға жаңарып, қанаты кеңейіп, қатары көбейіп, толысып, жетісіп келе жатқаны үнемі қатысып жүрген көрермендер мен қызықтаушыларға айдай анық. Биылғы Амал мерекесі де ерекше болды. Былтыр 2018 жылғы Амал республикалық деңгейде өтсе, биылғы Амал мейрамына алыс-жақын туысқан елдерден, көрші мемлекеттерден арнайы қонақтар келіп қатысып, тамашалады. Оған қоса республикамыздың көптеген облыстарында «Көрісу күні» аталып тойланып жатқанын БАҚ арқылы, көріп-біліп жатырмыз. Яғни Амал мерекесі біртіндеп, ұлттық мерекеге айналып келе жатқанын байқауға болады. Парламент депутаттары қатарынан осы мәселені көтеріп жатқан азаматты да көзіміз шалды.

Биылғы Амал тойы 13 наурыз күні таңертемен Ақтау қаласынан Елбасының «Ұлы даланың жеті қыры» бағдарламасына орай 300-дей салт аттылар қатысқан ұлы көшпен басталып, жолай Ақшұқыр ауылы жанында тігілген киіз үйлер ауылына соғып, түстеніп ары қарай  Отпан тауды бетке алып аттанып кетті. Мереке сол күні кешке «Адай ата – Отпан тау» кешенінде жалғасын тапты. Жергілікті жыршылардың жыр кеші, облыстық өнерпаздардың концерті дәстүрлі Бірлік Отын жағу рәсіміне ұласты. Ақсарайдан Адай ата кесенесі арасындағы 360 баспалдақтың бойына тізілген жастар алауды қолдан-қолға беріп отырып, биыл мерекені ұйымдастыруға төрағалық еткен Ақпан ата ұйымдастыру алқасының белсендісі Құрал Қарабалаевтың қолына табыстап, ол ру ақсақалдары Мақсат, Табынбай Сапаровтардың қолына жалғап, Отпан шоқысының биігінде орналасқан тұғырдағы Бірлік Отын лаулатты. Рәсімге ел ақсақалдары мен облыс, аудан әкімдері қатысып, жұртшылыққа жүрекжарды тілектерін айтып, ақ баталарын берді.

14 наурыз күні Амал мерекесі одан әрі жалғасып, жылдағыдай жағалай тігілген киіз үйлерді аралап, көрісуге ұласты. Абыл Тарақұлы атындағы облыстық филармония әртістерінің концерті, облыс қолөнер шеберлерінің көрме-жәрмеңкесі, түрлі ұлттық спорт түрлерінен (қазақ күресі, аламан бәйге, құнан жарыс, аударыспақ, т.б.) жарыстарға жалғасты.

«Адай ата – Отпан тау» кешенінің бөлім меңгерушісі Жомарт Айдарбек

 

Жәрияланған күні: 20 наурыз 2019




20 наурыз 2019

Амал мерекесі Ақтаудан басталып, Адай атаға маңдай тіреді!
icon

Жалпы Амал тойы жылдан жылға жаңарып, қанаты кеңейіп, қатары көбейіп, толысып, жетісіп келе жатқаны үнемі қатысып жүрген көрермендер мен қызықтаушыларға айдай анық. Биылғы Амал мерекесі де ерекше болды. Былтыр 2018 жылғы Амал республикалық деңгейде

15 наурыз 2018

Амал мерекесі 2018
icon

13-14 наурыз күндері Адай ата кесенесі орныққан «Отпан» тарихи-мәдени кешені аумағында дәстүрлі Амал мерекесі тойланып, Адай ата рухына  арнап ас берілді.  Биылғы тойға Адай атадан тараған сегіз арыс ұрпақтарынан басқа Әлім, Табын, Қызылқұрт және Қожа ұрпақтары да

14 наурыз 2017

Амал мерекесі 2017
icon

Осы жылдың 12-13 наурыз күндері «Адай ата – Отпан тау» кешенінде Тәзіке ата ұрпақтарының ұйымдастыруымен «Амал» мерекесі аталып өтті. Бұл ұлы мерекеге Қазақстанның Атырау, Ақтөбе, Алматы, Оңтүстік, Солтүстік Қазақстан т.б.

14 наурыз 2016

Амал мерекесі 2016

Наурыз айының 13-14 күндері «Адай ата – Отпан тау» тарихи-мәдени  кешенінде кешен қызметкерлерінің ұйымдастыруымен  Амал мерекесі аясында, Қазақстан Республикасының 25 жылдығына орай ұлттық қолөнер бұйымдарының жәрмеңкесі болып өтті. Жәрмеңкенің

14 наурыз 2015

Амал мерекесі 2015
icon

Маңғыстау облыстық мәдениет басқармасы «Отпан» мемлекеттік коммуналдық қазыналық кәсіпорны 2015 ж. Амал мерекесіне орай наурыздың 13-14 күндері Отпан тауда ұлттық қолданбалы өнер туындыларынан жасақталған көрме-жәрмеңке ұйымдастырады. 

14 наурыз 2014

Амал мерекесі 2014
icon

Иәәә, биыл міне Отпан тауда жетінші рет Адай ата мен оның баһадұр ұрпақтарының рухына арналып ас беріліп, Отпан шоқысында Тағзым оты жағылдып, Амал мерекесі тойланды. Биылғы кезек Тобыш ата ұрпақтарында. Биыл Тобыш ата ұрпақтары Амалға дейін «Адай

16 наурыз 2013

Амал мерекесі 2013
icon

13-14 наурызда «Адай Ата – Отпан тау» кешенінде дәстүрлі Амал мерекесіне арналған көпшілік мерекелік шара өткізілді. Адайдың алтыншы немересі Жеменей ұрпақтары мерекені ойдағыдай ұйымдастырды. Кешен айналасы салтанатты түрде безендірілді,  жан

14 наурыз 2012

Амал мерекесі 2012
icon

Амал мейрамына және Тағзым отын жағу рәсіміне байланысты  жоспарланған шара ауа райының қолайсыздығына байланысты мамыр айының 5-6 жұлдызына ауыстырылды. Соған қарамастан «Отпан» МКҚК ұжымы 14 наурызда Амал мейрамына арнап, Тұщыбек селосы әкімі

14 наурыз 2011

Амал мерекесі 2011
icon

12–14 наурыз күндері «Отпан» тарихи-мәдени кешенінде Амал мейрамына арналған мәдени-көпшілік шара болып өтті. Маңғыстау облыстық мәдениет және облыстық ішкі саясат басқармасы басшылығымен, «Отпан» МКҚК, Маңғыстау ауданының әкімдігі,

14 наурыз 2010

Амал мерекесі 2010
icon

13-14 наурыз күні Маңғыстау ауданындағы  «Адай ата – Отпан тау» тарихи этно-мәдени кешенінде Амал мейрамына арналған рухани мәдени шара болып өтті. Маңғыстау ауданының әкімдігі, «Отпан» МКҚК  және Құнанорыс ата ұрпақтарының ұйымдастыруымен өткен